抱抱

昨天早上上學時, 油油由出門口開始不停扭計, 主要是因為我不肯抱他, 因為他不停扭計所以遲到了, 到了學校大門已關, 但他仍然在哭, 我只好抱起他哄哄他, 幫他擦乾眼淚, 便準備去按門鐘, 誰知他哭得更利害, 抱得我更緊, 不停搖頭說不要, 我再好好地安慰了他一番, 但他見我去按門鐘時又再大哭, 最後我狠下心按下門鐘, 老師開門後想抱油油入學校, 但油油竟然反抗而且緊緊地抱住我不放, 最後等到油油的班主任蔡主任出來, 油油才願意放開我, 讓蔡主任抱住入學校, 淚流滿面地向我揮手道別, 那一刻我真是心如刀割, 甚至整天也心情低落, 雖然明知油油應該很快便會回復過來, 但仍然擔心他會不開心, 還未放學我已經把cctv開著, 看到他蹦蹦跳跳地回家, 我才放下心.

晚上到家門口, 油油如常地一邊大聲叫媽媽一邊跑來門口給我開門, 入屋後, 問他記不記得早上為何哭, 對答如下:
我: 今朝點解喊喊呀?
油油: 要媽媽抱抱
我: 咁嬲唔嬲媽媽?
油油: 嬲
我: 媽媽今朝已經抱左你好耐, 由出門口開始已經抱住你, 又係你話去到麥當奴就自己行, 點知行左幾步你又要抱抱, 咁媽媽會好辛苦, 而且媽媽又攞住好多野, 聽日就唔好咁啦, 好唔好?
油油: 好!
我: 咁媽媽鍚番, BB仲嬲唔嬲?
油油笑著說: 唔嬲!

今早, 出門口時,
我問油油: 今日要唔要媽媽抱?
油油笑著說: 要, 抱一陣啦!
果然, 出門口不久他就笑著叫我抱抱, 我也樂得抱他一會, 去到麥當奴時他就乖乖地落地自己行.

油油, 你可給媽媽寵壞了!

油油有d咳, 放工後帶佢去睇醫生, 天氣開始熱, 我幫油油著左短褲短衣, 佢好開心!

食緊芝士

近來鐘意玩呢種玩具, 自己一個可以玩好耐

兩母子係診所玩自拍

幫油油換左個細d嘅枕頭, 腳仔冇咁頂床邊, 但如果平訓都會頂, 遲早都係面對現實換床仔