第一次自己行山

今個秋天及冬天, 我們都很少行山, 因為油油仍然經常扭抱, 又不肯坐BB車, 所以雖然很想去, 但一想到要抱住二十多磅的油油上山下山, 通常都會打退堂鼓. 今天, 天氣實在非常好, 爸爸又想去試放風箏, 終於我們鼓起了勇氣, 帶著油油上山去, 但奇蹟出現了, 油油竟然全程自己行, 在回程的尾段有扭抱過一次, 但也被我們哄得到他繼續自己走, 就這樣, 一家三口開開心心, 輕輕鬆鬆地走了約三小時, 非常利害! 油油, so proud of you!

開始上山!

爸爸試放風箏

油油幫手

不過似搗亂多d

終於因為冇風而飛唔起

繼續行

油油而家肯比人拖住行, 少左自己亂跑亂跳

其他遊人見到油油咁細自己行上山, 都讚佢叻!

上到半山玩吹波波

今日下山回到家時已經6點, 冇比油油訓晏覺, 8點幾係嫲嫲家食緊晚飯時終於頂唔住, 食左幾啖飯就坐係high chair開始反白眼, 好好笑, 於是我就抱住佢食飯, 9點幾返到屋企仲繼續訓, 幾驚佢會訓醒唔再訓, 今日好叻啦, 早抖! 

長洲賞櫻花

今天約了瞳瞳一家去長洲, 目的是賞櫻, 結果當然是令人失望, 現場只有一棵櫻花樹開花, 但遊人卻非常多, 根本不能好好地拍一張照片, 但這其實並不重要, 帶著兩隻小鬼在長洲閒逛了半天, 傍晚看到了醉人的夕陽, 吃過晚飯還有甜品, 這樣的一天是美滿的!

朝早起身d頭髮飛起哂

哩個髮型型過花輪同學

我地要直行, 油油扭計要轉彎, 對付小朋友嘅無理要求, 最好嘅方法就係唔理佢

最後喊住行返埋嚟我地身邊

準備出發啦, 油油第一次去長洲

落船啦

沿途有一戶人家, 門口放左好多隻青蛙公仔

到啦, 幾多人!

影哩張相時真係笑死我, 油油唔比爸爸抱住影, 佢要爸爸企上花槽上面, 但自己企係下面, 要我咁樣同佢地影相, 爸爸企係後面勁無奈!

佢自己又好開心

兩隻小鬼周圍走

跟住係遊樂場玩左一陣

以前我好鐘意係郵筒前影相, 而且由油油代勞

我同油油解釋咩係郵筒, 跟住油油指住個郵筒話要寄信

行番出大街, 有個大哥哥玩吹泡泡, 兩隻小鬼又跟住一齊玩

油油玩到跌低左

幾興奮, 好似睇緊波仲要係入左波咁

飲緊奶, 無啦啦係到擺pose

擺完啦!

今日天氣麻麻, 全日都天陰陰, 但黃昏時竟然見到夕陽

好靚!

油油眼中嘅夕陽

一齊飲奶奶

回程啦, 全日冇訓過覺, 以為上船會訓下, 點知......

兩個都唔訓, 我地好眼訓囉!

iris影架, 好好笑, 瞳瞳要貼貼紙上油油面上, 貼到咁樣! 

呢張都好笑, 瞳瞳好似挑逗油油咁, 但其實可能係睇緊位, 睇下係邊到貼貼紙

爸爸影

等緊瞳瞳係中環食野